M O N U M E N T O

SALAMAT CORY

Finally! President Gloria Macapagal Arroyo approved Cory Aquino's monument in Luneta. Ayos ba? tama po... gagawan nang monument si late Pres. Cory Aquino sa Luneta, ayon sa isang tagapagsalita sa Malacanang. aabutin nang mga 6 months para matapos ito. Sana naman hindi na ito maging issue at hindi mahaluan nang pampupulitika. Nakakalungkot rin isipin na baka napagawan nga nang monumento ang ating yumaong mahal na pangulong Aquino eh gawan pa nang anumalya, kagaya nang sobrang budget para dito. diba? hindi naman sa masamang magisip o anuman pero posibleng mangyari ito, pagkakakitaan pa diba.. nakakalungkot naman isipin kung ito'y mangyayari. Sana huwag managyari to, salamat na rin sa ating Pangulong Arroyo na gagawan niya nang isang magandang ala-ala ang ating Pangulong Aquino na magsisilbing pagpapa-alaala sa bawat pilipino kung anung kanyang nai-ambag sa ating inang bayan, lahat nang sakripisyo at tulong niya sa atin. MABUHAY KA PANGULONG CORAZON AQUINO!!! SALAMAT PO AT SANA'Y PATULOY NINYO KAMING GABAYAN!

BOY TAMBLING

Hey Guys! just want to share with you this unforgettable downhill experienced with my bike buddies. :) Tagaytay down to Laurel Batangas.


Unang-Una ako yung sumemplang sa video na yan. hahaha! Nung una nanghihinayang pa kong bumili nang helmet dahil nanghihinayang ako.. 5,300 php, yun pala malaking parte nang buhay ko ang gagampanan niya. hahahaha! kung hindi dahil sa helmet na yan, hindi ko magagawa ang blog na ito. hehe! ang tambling ko na una ulo ay walang kasing galing... ayos! hehe ... kulet nga eh.. pagtayo ko galing sa semplang nagpalakpakan pa ang mga kaibigan ko.. ang babait nila dba? :) hehe.. pero masaya talaga ang pangyayaring ito. lubog sa putik, sobrang dungis, lahat! :) at ang best part after sa almost 6 hrs. pababa nang bundok kumaen kami sa isang lomihan, at ang sarap niya pramis... ang serving ay good for two pero lahat kami may kanya kanyang order. haha :) at para makabalik kami sa tagaytay ay kailangan pang mag arkila nang jeep para sa bikes at isa pang jeep para sa mga tao... at ang biyahe... almost 1 hour and 30 mins. paakyat. nakasakay kana sa jeep nun ah.. tsktsk :) at habang kami ay nasa jeep, nagtatagayan nang REDHORSE :) woot! wooot! haha.. sarap dba.. after nang pagod puro na sarap.. hehe.. pauwi sumabay ako sa van ni Balot ( Paolo Lorenzana ). Siya ang nag drive at bilang kunswelo sa kanya, nag drive thru pa kmi sa Jollibee at treat ko siyempre, sabi ko drive thru para hindi kmi antukin sa biyahe, at di pa kami nakakalabas nang Santa Rosa ay TULOG NA KO. ahahahaha! :) ayos ba? at kinabukasan ay trinangkaso na ko.. hehe ... Sana sa mga nagba-bike dyan.. subukan niyo ito.. ibang klaseng experience sa pagba-bike.. galing! :) sa uulitin.. ;)

P A D Y A K

PADYAK

Ayos ba? Gusto ko lang ishare sa inyo ang buhay bisikleta. Anu bang meron bakit maraming nababaliw sa bisikleta? Bakit kahit saan lugar sa buong mundo ay nagamit nito. Halika't iyong silipin kung anung meron dito. Ang bisikleta maraming klase yan eh, may " BMX ", ito ung mga makikita mong ginagamit nang mga nagbibisikleta, kadalasan ung mga nagawa ng mga tricks, tapos meron rin " ROAD BIKE ", ito naman ung RACER sabi nang iba, ung maninipis ang gulong, ginagamit sa " Tour De France " na kung saan sinasalihan nang daan o libong cyclista. Malaking event ito sa kanila, sa atin naman tinatawag itong, " Tour Of Luzon ". malayo-layong padyakan talaga. at siyempre ang " Mountain Bike " na ito ang meron ako... may iba't ibang klase rin nito.. meron tinatawag na XC or cross country bike, meron rin tinatawag na AM or all mountain, at DH or downhill bike. :) ang bawat klase nang bisikletang ito ay may kanya kanyang gamit. Yung XC para sa mga taong gustong subukin ang kung hanggang saan sila magtatagal sa pag padyak, yung AM naman susubukin nito ang lakas ng katawan mo sa tagtag at lakas ng iyong paa sa akyatan. Ang DH naman ay para sa mga taong buo ang loob, mga hindi natatakot na masaktan. At bihasa na talaga sa pagbibisikleta. Alam kong nagiging isyu ang presyo nito. Dahil hindi biro ang presyo nang mga nasabing bisikleta. Ako, nagbuo ako nang una kong bisikleta na inabot nang halos 25k. Nung mga panahon na yun sobrang namamahalan na ako, parang hindi praktikal dahil hindi naman ako sigurado kung talagang kakaririn ko ang pagbibisikleta. ginamit ko ito nang ilang buwan hanggang nagpalit na naman ako dahil hindi ko alam kung bakit.. haha... ginamit ko ulit nang ilang buwan at nagpalit na naman ako ... hindi ko na naman alam kung bakit.. para bang hangga't may nakikita kang bago ay hindi mo mapigilan ang gastos... magastos talaga siya.. kahit gusto kong makuntento na ay parang hirap na hirap ako... hangga't..... nagpalit na naman ako.. at ngayon ay nasa pang-apat na ako at sa tingin ko naman huli na ito... :) ( SANA ). Napakadaming brands, style, purposes ang bawat bisikleta kaya siguradong mahihirapan ka mag decide kung anung gusto mo. dapat nga lang may budget ka talaga para siguradong maganda ang iyong bisikleta... :) Ako man o karamihan man nang napapagastos ay siguro may dahilan kung bakit ganito kami naaadik sa bisikleta. Dahil sa tingin ko or namen ay good investment naman ito, dahil bukod sa maganda ito sa ating kalusugan, magkakaron ka rin nang maraming maraming kaibigan. :) Subukan niyong magbisikleta para maramdaman ninyon rin kung anung nararamdaman ko ngayon. :)

C I N E M A L A Y A

DINIG SANA KITA

Ito ang unang beses na ako'y nanunood nang Indi Films, nakakapanuod ako sa tv pero hindi sa CCP ( Cultural Center of the Philippines ). Pero hindi ako ganun interesado sa panunuod kasi siyempre hindi naman kilala ang mga naganap, hanggang dumating ang araw na nakapanuod ako. Ang inyong mapapanuod dito ay sumasalamin sa nangyayari sa ating pang araw-araw na buhay. Ang " DINIG SANA KITA " ang aking napiling panuorin dahil sa ito ay related sa " MUSIC ". Nasabi ko na bigyan ko nang pagkakataon ang sarili ko na masaksihan ang ganitong palabas. Ang indi film na ito ay ginanapan ni Zoe Sandejas at Romalito Mallari. Ito ay isang istorya nang dalawang taong nabubuhay sa magkaibang mundo dahil si Zoe ay isang bokalista sa banda, pasaway na anak at si Romalito naman ay isang bingi na naghahanap sa kanyang ina, makikita ninyo na hindi imposible ang magkakasundo nang dalawang tao kahit sila ay may pag-kakaiba. Sayang at marami pa sana akong gusto panuorin kaso dahil simpleng araw ito ay hindi pwede dahil mayroon rin akong obligasyon sa aking pamilya, trabaho, simbahan atbp. sana maglabas nang dvd nito para mapanuod niyo rin ito. Sana bigyan natin nang pagkakataon ang mga indi films, malaking bagay ang ginaganapan nila sa buhay natin bilang pilipino. tandaan nating ang lahat nang malaki ay nagumpisa sa maliit. kaya't ating tulungan ang ating mga kapwa pilipino na nahihilig sa ganitong mga bagay, suportahan natin sila. SALAMAT CINEMALAYA.

G U L O N G - G U L O

Gulong Ng Palad

Haaaay.... isang araw na naman ang magdadaan sa buhay nang bawat pilipino... Anu na naman kaya ang naghihintay para sa bawat isa sa atin? panibagong pagsubok... panibagong karanasan at mga bagong bagay na matututunan.

Bakit nga ba tayo dumarating sa ganitong pagkakataon? sabi nga nila ganyan talaga ang buhay nang tao... parang " GULONG" lang yan, minsan nasa ibabaw ka minsan nasa ilalim, nagkakabiruan pa nga minsan bakit ganito? hindi na ata umiikot ang gulong... flat ata? ganyan ang mga biruan nang mga nakararanas nang hirap.

Minsan magtatanung ka rin eh, bakit kung sino pa ung gumagawa nang hindi maganda sila pa ang nakalalasap nang sarap nang buhay... at kung sino pa yung nagsisikap at pursigidong magtrabaho ay siya pang nahihirapan. Kaya kung ating iisipin hindi rin natin masisisi ang mga taong ito na kung bakit sil nagiisip nang hindi maganda para lamang kumita. Sabi nga rin nila, " PERA " ang nagpapaikot sa buhay nang tao. Mahirap man tanggapin pero yun ang totoo. Lahat dumidepende sa pera, para mabuhay.. pera.. pera... pera..

Nakakalungkot man isipin ganito na talaga ang nangyayari, nababawasan pa ang pananampalataya nang bawat isa sa Panginoon dahil sa hirap nang buhay. Kasi sabi nila... " Bakit ganun? hiling kami nang hiling pero hindi naman niya binibigay. " marahil marami sa atin ang ganyan rin ang kasagutan. Ang Diyos ay andyan lamang nakikinig sa atin, pero nasa tao pa rin ang gawa. Walang imposible sa Panginoon, patuloy lamang tayong maniwala at maging malapit sa kanya at darating ang panahon maiintindihan natin kung bakit tayo nakakaranas nang ganitong klaseng mga pagsubok.

P I N T U R A

" We Paint Your Car Like New... Not Newly Painted. "

Sinong mahilig sa Auto ang hindi nakakakilala sa sticker sa likod nang mga auto na may " J "?
Sinong hindi nakakakilala kay " Kuya Jo ". Sinong hindi maniniwala sa convincing powers niya? Ilan auto na ba ang ginawa niya? Ilan pa ba ang hindi pa?

Matagal tagal na rin akong nahilig sa auto, nagumpisa sa KIA hanggang naging Honda. Dati akala ko marunong na ako tumingin nang maganda sa hindi, tiwala na ko sa paningin ko para masabi kong maganda ang isang auto. Hanggang pumasok sa isip kong magpakulay nang auto, ang dami nagsabi " Dun ka kay kuya jojo matindi yun! " oh inuulit ko... " MATINDI " hindi matan... :) oOpS! :) hehe.. eh di nagpunta na nga ako sa kanya, pagpasok mo pa lang sa opis niya, bubungad na sayo ang isang katutak na trophy at certificates nang pagkakapanalo sa mga carshow. Bihira ka makakita nang 2nd place, naglalaro lang sa Overall Champion at 1st place. san ka pa? kaya hindi ako nagdalawang isip na magpagawa sa kanya. Maraming nagsasabing " Mahal " siya sumingil. At hmmmm... nakita ko nga yun... medyo mahal siya sumingil.. PERO nung natapos na ang aking auto... Doon ko naintindihan ang sinasabi niyang " MEDYO MATAAS NGA AKO SUMINGIL PERO HINDI MO PWEDE IKUMPARA ANG TRABAHO KO SA IBA. " lalo't nang ako'y magkaroon nang dalawang trophy na.. " Best In Paint " At " Best Japanese Made Car " sa First Bacoor Motorshow. Ang sarap nang pakiramdam diba? :) at dun ko naintindihan at natutunan at pagtingin sa magandang auto, kasi kahit sa tingin mo ay maganda na ang isang sasakyan PERO pag sinabi ni kuya Jo na hindi maganda para sa kanya, abah! magbabago ang pananaw mo. haha! :) Ibang klase ang Mata nang Mat...inding si kuya jojo. Yun ang babayaran mo sa kanya. Umasa kayong kapag sinabi niyang " Akong bahala " huwag ka nang mangamba dahil siguradong maganda ang kahihinatnan nito. Hanggang naging kaibigan na rin namen siya, sama-sama sa Kwentuhan, Fudtrip, Biking, Tawanan, Inuman Atbp. :) Tara punta na para makilala mo siya!

THREE THUMBS UP. Woot! Woot!

For More Info Visit Us: #38 CRM Avenue, Barangay Almanza Uno, Las Pinas City
805-8518 /9AM - 6PM

O N E M O R E C H A N C E

" SANA AKO NA LANG ULIT "

Sinong pinoy, pinay, bata, matanda, may itlog o wala ang hindi nakapanuod nang pelikulang ito? Marami akong napanuod na mga tagalog love story movies mula pagkabata ko, maraming mga tagalog na magaganda katulad nang " All My Life " starring Aga Muhlach and Kristine Hermosa, Mga Aga at Regine na movies atbp. Hindi ko alam kung bakit ganito katindi ang pelikulang ito. Bakit kahit ulit-ulitin ko hindi ako nagsasawa. Kahit alam ko naman kung anung pagkakasunod sunod nang mga scenes at ang mga linya na sinasabi ng mga cast sa pelikula. hahaha! :) ayos dba? Siguro sadyang magaling ang lapat nang mga linya, pagdi-direk, pag-arte ng mga cast sa pelikulang ito. Ibang klase ang pakiramdam, para bang nalutang ka sa clouds? haha! :) parang kahit araw-araw mo pinapanuod ay nararamdaman mo pa rin ung pagka-inlab at naiiyak ka pa rin sa napapanuod mo kahit alam mo naman na yung mangyayari. ang kulet! Ang dami ko rin kaibigan na hindi ko inakalang magugustuhan ang pelikulang ito, kasi kilala ko sila na hindi mahilig sa mga tagalog movies. Kasi asteegin ang dating, yun pala malambot rin nung napanuod ang pelikulang ito. nakakagulat na mula pirated at original na cd, Dvd at Blue Ray ay meron silang copy. ayos di ba? :) Kaya sana huwag natin usigin ang pag gawa ng pelikula ng mga pinoy. Hindi ung puro pagsasabi na gaya-gaya lang tayo sa mga banyagang pelikula. Bigyan natin nang pagkakataon ang sariling atin. Wala naman mawawala, masasayahan ka pa. Kaya salamat kay Popoy At Basha sa isang magandang pelikulang ito. Si Sandara Park pabalikin na nang Korea dahil nakakairita lang siya! ( Oops! Sorry sa mga fans niya. ) haha! One More Chance ( Three Thumbs Up! )